சந்தானத்தின் நடிப்பில் உருவாகும் ‘டிக்கிலோனா’ திரைப்படம்

சந்தானத்தின் நடிப்பில் உருவாகும் ‘டிக்கிலோனா’ திரைப்படம்

நடிகர் சந்தானத்தின் நடிப்பில் பிரம்மாண்டமான பட்ஜெட்டில் தயாராகி வருகிறது ‘டிக்கிலோனா’ திரைப்படம்.

கே.ஜே.ஆர் ஸ்டுடியோஸ் சார்பாக தயாரிப்பாளர் கோட்டப்பாடி ஜே.ராஜேஷும், சோல்ஜர் பேக்டரி சார்பில் தயாரிப்பாளர் சினிஸும் மிகப் பிரம்மாண்டமான செலவில் இப்படத்தை தயாரிக்கின்றனர்.

இந்தப் படத்தின் நட்சத்திர பட்டியலே அசரடிக்கிறது. நடிகர் சந்தானத்தோடு  சுழற்பந்து வீச்சால் எதிரணியை கலங்கடிக்கும் இந்திய அணியின் பந்து வீச்சாளர் ஹர்பஜன் சிங் முக்கிய வேடத்தில் நடிக்கிறார்.

‘நட்பே துணை’ படம் மூலம் அழகாலும் நடிப்பாலும் ரசிகர்களை கவர்ந்திழுத்த அனகா மற்றும் ‘நெஞ்சமுண்டு நேர்மையுண்டு’ படம் மூலமாக இளைஞர்கள் நெஞ்சில் தஞ்சம் அடைந்த  ஷிரின் இருவரும் நாயகிகளாக நடிக்கிறார்கள்.

இன்றைய தமிழ் சினிமாவின் எனர்ஜிடிக் காமெடியன் யோகிபாபு, வில்லத்தனம் கலந்த காமெடியால் ஆடியன்ஸை சுவாரசியப்படுத்தும் ஆனந்த்ராஜ், குணச்சித்திரம் காமெடி என அந்தக் கேரக்டருக்கான முக்கியத்துவத்தை நடிப்பில் கொண்டு வரும் முனிஷ்காந்த், அனுபவம் வாய்ந்த நடிகர்களான ‘நிழல்கள்’ ரவி, சித்ரா லெட்சுமணன், மேலும் காமெடிக்கு வலு சேர்க்க ‘மொட்டை’ ராஜேந்திரன், ஷாரா ஆகியோரும் நடிக்கிறார்கள். அருண் அலெக்‌ஸாண்டர் ஒரு வேடமேற்க பிரபல திரைப்பட விமர்சகர் இட்டிஸ் பிரசாந்தும் ஒரு கதாபாத்திரத்தில் நடிக்க இருக்கிறார்.

இப்படி இந்த ‘டிக்கிலோனோ’ படத்தில் தோன்றும் அனைத்து நடிகர்களும் மக்களுக்கு பரிட்சயமானவர்கள் என்பதோடு பிடித்தமானவர்களும்கூட.

அதேபோல் படத்தின் டெக்னிக்கல் டீமும் சிறப்பாக அமைந்துள்ளது. இசை அமைப்பாளாராக யுவன் சங்கர் ராஜா களத்தில் இருப்பதால் படத்தின் பின்னணி இசை பாடல்கள் பற்றிச் சொல்லத் தேவையே இல்லை.  தேர்ந்த கேமராமேனாக ஆர்.வி. பணியாற்ற ஜோமின் படத் தொகுப்பு செய்யவிருக்கிறார். நாயகன் அடிக்கும் ஒவ்வொரு அடியையும் ரசிகனை நம்ப வைக்கும்விதமாக தினேஷ் சூப்பராயன் சண்டைப் பயிற்சியை கவனிக்கிறார். ‘கனா’ படத்தின் இயக்குநர் அருண்ராஜா காமராஜ் மற்றும் சரவெடி சரண் இருவரும் பாடல்களை எழுதுகிறார்கள். கலை இயக்குநராக A. ராஜேஷ் பணியாற்றுகிறார்.

சந்தானம் மூன்று வேடங்களில் நடித்து வரும் இப்படத்தை பல வெற்றிகரமான படங்களுக்கு திரைக்கதையில் உதவியாக இருந்த அறிமுக இயக்குநரான கார்த்திக் யோகி இயக்குகிறார்.

சில வாரங்களுக்கு முன்பு வெளியான இப்படத்தின் தலைப்பு சினிமா ரசிகர்களை வெகுவாக ஈர்த்துள்ளது.

மிகப் பிரம்மாண்டமான நட்சத்திர பட்டாளமும் மிகச் சிறந்த டெக்னிக்கல் டீமும் இணைந்துள்ளதால் இப்படத்திற்கான  எதிர்பார்ப்பு இந்தியளவில் எகிறியுள்ளது.

முழுக்க முழுக்க பொழுதுபோக்கு அம்சத்தை மையப்படுத்திய இப்படம் மிகப் பெரிய கவனம் பெறுவதற்கான எல்லா வாய்ப்புகளையும் பெற்றிருக்கிறது.




error: Content is protected !!