புதியவர்கள் கூட்டணியில் உருவாகும் ‘சந்தோஷத்தில் கலவரம்’

புதியவர்கள் கூட்டணியில் உருவாகும் ‘சந்தோஷத்தில் கலவரம்’

முற்றிலும் புதிய கலைஞர்களின் கூட்டணியில் ‘சந்தோஷத்தில் கலவரம்’ என்கிற படம் உருவாகி வருகிறது.  

ஸ்ரீகுரு சினிமாஸ் சார்பில் தயாரிப்பாளர் திம்மா ரெட்டி  வி.சி. இப்படத்தை தயாரித்திருக்கிறார்.

நிரந்த், ருத்ரா அவ்ரா, ஆர்யன், ஜெய் ஜெகநாத், ராகுல் சி.கல்யாண், கெளதமி, செளஜன்யா, ஷிவானி, அபேக்ஷா என இப்படத்தில்  புதுமுகங்கள் பலரும் நடித்துள்ளனர். இவர்களுடன் நடிகர் ரவி மரியாவும் ஒரு வித்தியாசமான ரோலில்  நடித்துள்ளார். 

ஒளிப்பதிவு – பவுலியஸ். இவர் ஹாலிவுட் படங்களில் பணியாற்றியவர். இப்படத்துக்காக அமெரிக்காவிலிருந்து வந்து பணியாற்றியுள்ளார். இவருடன்  ஷிரவன்குமாரும் இணைந்து ஒளிப்பதிவு செய்துள்ளார். இசை – சிவநக்,  பாடல்கள் – கபிலன்,  மணி அமுதன், ப்ரியன், படத் தொகுப்பு – கிராந்தி குமார். ஒலிப்பதிவு அருண் வர்மா. இவர். ஆஸ்கார் புகழ் ரசூல் பூக்குட்டியின் மாணவர்.

DSC_2325  

இப்படத்தை புதுமுக இயக்குநரான கிராந்தி பிரசாத்  இயக்குகிறார். இவர் பல விளம்பரப் படங்கள், குறும் படங்களை இபக்கியவர்.  விருதுகளும் பெற்றவர். திரைப்படக் கல்லூரியில் படித்துப் பட்டம் பெற்ற இவர், தெலுங்கில் சில இயக்குநர்களிடமும் திரைப்பாடம் பயின்றவர்.

இருந்தாலும், படங்கள் பார்த்து கற்றுக் கொண்டவையே அதிகம். தமிழ்ப் படங்கள் நிறைய பார்த்து தமிழ் திரைச் சூழலை அறிந்து வைத்துள்ளார். இங்கே முகங்களை விட்டுவிட்டு திறமைக்கு மட்டும்  தரப்படும்  மரியாதையை வைத்து, முதலில்  தமிழில் படம் இயக்க வந்திருக்கிறார். 

படம் குறித்து இயக்குநர் கிராந்தி பிரசாத் பேசுகையில், “ஒரு மகிழ்ச்சியான தருணத்தில் கலவரம் நடந்தால் அதன் விளைவு எப்படி இருக்கும்? என்பதே கதை. அதனால்தான் ‘தீமைக்கும் நன்மைக்கும்  இடையில் நடக்கும் மோதல் ‘ என்று   டைட்டிலுடன் டேக் லைன் போட்டுள்ளோம்.

இது சஸ்பென்ஸ் த்ரில்லர் ரகப்படம்  என்றாலும் இதில் நட்பு, காதல், அன்பு, காமெடி, ஆன்மிகம் எல்லாம் கலந்துள்ளன. ‘உன்னையே நீ அறிவாய்’, ‘உனக்குள் இருக்கும் இறைவனை உணர்வாய்’, ‘உன் உயரம் அறிவாய்’ என உரக்கச் சொல்கிறது இத்திரைப்படம்” என்கிறார்.

தற்போது படத்தின் படப்பிடிப்பு முடிந்து இறுதிக்கட்டப் பணிகள் நடைபெற்று வருகின்றன.