2016 பாரா ஒலிம்பிக்கில் தங்கம் வென்ற மாரியப்பனின் கதையைப் படமாக்குகிறார் ஐஸ்வர்யா தனுஷ்..!

2016 பாரா ஒலிம்பிக்கில் தங்கம் வென்ற மாரியப்பனின் கதையைப் படமாக்குகிறார் ஐஸ்வர்யா தனுஷ்..!

பிரேசில் நாட்டின் தலைநகரமான ரியோ டி ஜெனீரோவில் கடந்த ஆண்டு செப்டம்பர் மாதம் நடந்த மாற்றுத் திறனாளிகளுக்கான பாரா ஒலிம்பிக்கில் தமிழகத்தை சேர்ந்த மாரியப்பன் தங்கவேலு உயரம் தாண்டுதலில் தங்கப் பதக்கம் வென்று வரலாற்று சாதனை படைத்தார். அவர் 1.89 மீட்டர் உயரம் தாண்டி அசத்தினார்.

mariappan-thangavelu-1

சேலம் மாவட்டத்தை சேர்ந்த மாரியப்பன் தங்கவேலுவின் வாழ்க்கை சினிமா படமாக தயாராகிறது. இந்த படத்தை ஐஸ்வர்யா தனுஷ் இயக்குகிறார்.

இதற்காக அவர் கடந்த 2 மாதங்களுக்கு முன்பே மாரியப்பனை சந்தித்து, அவரது அனுபவங்களை சேகரித்து பதிவு செய்திருக்கிறார். இந்த படத்தில் மாரியப்பன் தங்கவேலு கதாபாத்திரத்தில் நடிகர் தேர்வு நடக்கிறது. தமிழ் மற்றும் ஆங்கில மொழிகளில் இந்த படம் உருவாகிறது.

வேல்ராஜ் ஒளிப்பதிவு செய்கிறார். ஷான் ரோல்டன் இசையமைக்கிறார். ‘குக்கூ’, ‘ஜோக்கர்’ படங்களை இயக்கிய ராஜூமுருகன் வசனம் எழுதுகிறார். இந்த படத்துக்கு ‘மாரியப்பன்’ என்று பெயர் சூட்டியுள்ளனர்.

இந்த படத்துக்கான முதல் தோற்றம் (போஸ்டர்) புத்தாண்டையொட்டி நேற்று வெளியிடப்பட்டது. இந்தி நடிகர் ஷாருக்கான் இதனை வெளியிட்டார். 

mariappan-poster-1

தமிழ், ஆங்கிலம் என இரண்டு மொழிகளிலும் உருவாகவுள்ள இந்தப்  படத்தில் மாரியப்பனாக நடிப்பது யார் என்பது ரகசியமாக வைக்கப்பட்டுள்ளது என்றாலும் தற்போதுவரை தனுஷே நடிக்கலாம் என்ற ஒரு தகவலும் வெளியாகியுள்ளது.