சமுத்திரக்கனி-உதயநிதி மோதலில் உருவாகியிருக்கும் ‘நிமிர்’ திரைப்படம்

சமுத்திரக்கனி-உதயநிதி மோதலில் உருவாகியிருக்கும் ‘நிமிர்’ திரைப்படம்

‘MoonShot Entertainment’ நிறுவனம் தயாரித்துள்ள புதிய திரைப்படம் ‘நிமிர்.’

2016 பிப்ரவரி 5-ம் தேதியன்று மலையாளத்தில் வெளியாகி மாபெரும் வெற்றியைப் பெற்ற மலையாள திரைப்படம் ‘மஹேஸிண்ட பிரதிகாரம்’.

பகத் பாஸில் மற்றும் அபர்ணா பாலமுரளி நடித்திருந்த இந்தப் படத்தைத்தான் இப்போது உதயநிதி ஸ்டாலின் நடிப்பில் ‘நிமிர்’ என்று தமிழில் உருவாக்கி வருகிறார்கள். இந்தப் படத்தை பிரபல இயக்குநரான பிரியதர்ஷன் இயக்கியிருக்கிறார்.

இந்தப் படத்தில் உதயநிதி ஸ்டாலின் ஹீரோவாக நடித்திருக்கிறார். நமீதா பிரமோத் நாயகியாக நடித்துள்ளார். மேலும், பார்வதி நாயர், சமுத்திரக்கனி, M.S.பாஸ்கர், மஹேந்திரன், ஷண்முகராஜ் மற்றும் பலர் நடித்துள்ளனர்.

தயாரிப்பாளர் – சந்தோஷ் T.குருவில்லா, இயக்குநர் – ப்ரியதர்ஷன், ஒளிப்பதிவு – N.K.ஏகாம்பரம், படத் தொகுப்பு – நாயர் M.S., கதை – சுயாம்  புஸ்கரன், வசனம் – சமுத்திரக்கனி, இசை – தர்புகா சிவா, அஜனீஷ் லோக்நாத், கலை – மோகன்தாஸ், நிர்வாக தயாரிப்பாளர் – சந்தீப் நாராயண், தலைமை தயாரிப்பு நிர்வாகி – அரோமா மோகன், துணை இயக்குநர் – அர்ஜுன் பாலகிருஷ்ணன், இணை இயக்குநர் – ரவி தியாகராஜன்.

_86A4613 

போட்டோகிராபராக இருக்கும்  ஒரு கிராமிய இளைஞனின் வாழ்க்கையும் பழிவாங்கும் படலமும்தான் இந்த ‘நிமிர்’ திரைப்படம். இது ஒரு சராசரி த்ரில்லர் படம் கிடையாது. இயக்குநர் ப்ரியதர்ஷன் தனக்கே உரிய பாணியில் இப்படத்தை செதுக்கியுள்ளார். இதுவொரு ஜனரஞ்சகமான குடும்ப படம். 

உதயநிதி ஸ்டாலினின் கதாபாத்திரத்தின் பெயர் ‘மகேஷ்’. தன் சுய பலத்தை தானே கண்டறிந்து வில்லனை பழிவாங்கும்  கதாபாத்திரம் அவருடையது.  M.S.பாஸ்கர், மகேந்திரன் மற்றும் சமுத்திரக்கனியின்  நடிப்பும் பெரிதளவு பேசப்படும். கதாநாயகி நமீதா பிரமோத் சிறந்த நடிப்பை இப்படத்தில் வெளிப்படுத்தியுள்ளார். பார்வதி நாயர் தனது கதாபாத்திரத்தில் ஜொலித்துள்ளார்.

தென்காசியில் நடக்கும் இக்கதையில், ஒரு சராசரி கிராமத்து இளஞ்சனின் வாழ்க்கையை எல்லோரும் தங்களை அடையாளப்படுத்திக் கொள்ளும்படி படமாக்கப்பட்டுள்ளது. கிராமத்தையும், கிராமத்து வாழ்க்கையும், அதன் உணர்வுகள் ஒளிப்பதிவாளர் ஏகாம்பரம் அழகாக படமாக்கியுள்ளார். சினிமா ரசிகர்களை ‘நிமிர்’ நிச்சயம் சந்தோஷப்படுத்தி ரசிக்க வைக்கும்.

_86A3183

‘நிமிர்’ குறித்து இயக்குனர் ப்ரியதர்ஷன்  பேசுகையில், ”இது எனக்கு ஒரு ஸ்பெஷல் படமாகும். இவ்வளவு ஆண்டு காலம் திரை துறையில் இருந்தாலும் இயக்குனர் மகேந்திரனுடன் பணிபுரியும் வாய்ப்பு எனக்கு கிடைத்ததில்லை. முதலில் அவருக்கு உதவி இயக்குநராக இருக்க ஆசைப்பட்டேன். அது நடக்காமல் போனது.

பிறகு பல காலம் கழித்து இந்த படத்தில் தான் அவருடன் பணிபுரியும் வாய்ப்பு கிடைத்தது. உதயநிதி ஸ்டாலினின் தந்தையாக மிக முக்கியமான கதாபாத்திரத்தில் அவர் நடித்துள்ளார். இந்த கதாபாத்திரத்தில் அவர் நடிக்க ஒப்புக் கொண்டதில் எனக்கு பெரும் மகிழ்ச்சி.

மகேந்திரன் அவர்களின் கதாபாத்திரம் மிக முக்கியமானதாகும். மகேந்திரன் சார் எங்களுக்கு கிடைத்தது அதிர்ஷ்டமாக கருதுகிறோம். அவருக்கு  இந்த படத்தின் கதையை  கூறியபொழுது அவர் பரிந்துரைத்த தலைப்புதான் ‘நிமிர்’. இதைவிட பொருத்தமான தலைப்பு இக்கதைக்கு கிடைக்காது.

samuthirakani 

சமுத்திரக்கனியின் நடிப்பை எவ்வளவு  பாராட்டினாலும் அது பத்தாது. அவ்வளவு சிறப்பாக நடித்துள்ளார். உதயநிதி ஸ்டாலினின் அர்ப்பணிப்பும் நடிப்பும் இந்த கதைக்கு அவ்வளவு அழகாக பொருந்தியிருந்தது. இப்படத்தில் அவரது நடிப்பு நிச்சயம் பேசப்படும். கதாபாத்திரமாகவே மாறி அசத்தியுள்ளார். எனது எதிர்பார்ப்பை முழுவதும் நிறைவேற்றியுள்ளார்.

கதாநாயகி நமீதா பிரமோத் அருமையாக நடித்துள்ளார். இப்படத்தில் அவரது நடிப்பில் அபாரமான முன்னேற்றத்தை கண்டேன். சுவாரஸ்யமான கதாபாத்திரத்தில் பார்வதி நாயர் நடித்துள்ளார். ரசிகர்கள் நிச்சயம் அவரது கதாபாத்திரத்தை ரசிப்பார்கள். ‘நிமிர்’ படத்தை தமிழ் சினிமா ரசிகர்கள் நிச்சயம் கொண்டாடுவார்கள் என உறுதியாக நம்புகிறேன்…” என்றார்.

‘நிமிர்’  குறித்து  நடிகை நமீதா பிரமோத் பேசுகையில், ”ப்ரியதர்ஷன் சார் போன்ற ஒரு ஜாம்பவானோடு பணி புரிந்ததை பாக்கியமாக கருதுகிறேன். உதயநிதி ஸ்டாலின் சாருடன் பணிபுரிந்து ஒரு மறக்க முடியாத, அருமையான அனுபவம். அவரது எளிமையை கண்டு வியந்தேன். எனது கதாபாத்திரம் அவ்வளவு அழகாக வடிவமைத்துள்ளார் ப்ரியதர்ஷன் சார். திரையில் என்னை இவ்வளவு அழகாக நான் இதுவரை பார்த்ததில்லை. படப்பிடிப்பை முடித்துவிட்டோம். ரசிகர்கள் ‘நிமிர்’ படத்தை கண்டு மகிழும் நாளை நோக்கி காத்துக்கொண்டிருக்கிறேன்…” என்றார்.




error: Content is protected !!