நயன்தாரா முதன்முறையாக இரட்டை வேடத்தில் நடிக்கும் ‘ஐரா’ திரைப்படம்

நயன்தாரா முதன்முறையாக இரட்டை வேடத்தில் நடிக்கும் ‘ஐரா’ திரைப்படம்

தொடர்ந்து தன்னுடைய தோற்றப் பொலிவாலும், சீரிய நடிப்பு திறமையினாலும் திரை வர்த்தகத்தில் மட்டுமன்றி, ரசிகர்கள் மத்தியிலும் தொடர்ந்து தன்னுடைய ஆளுமையை செலுத்தி வரும் நயன்தாரா தன்னுடைய அடுத்த படமான ‘ஐரா’ படத்தில் இரண்டு வேடங்களில் நடிக்கிறார்.

‘அறம்’ படத்தை தயாரித்த கே.ஜே.ஆர். ஸ்டுடியோஸ் சார்பில் கொட்டபாடி ஜே.ராஜேஷ் இந்தப் படத்தைத் தயாரிக்கிறார்.

இந்தப் படத்தில் நயன்தாராவுடன் கலையரசன், யோகி பாபு, ஜே.பி. ஆகியோருடன் மற்றும் பலர் நடித்து உள்ளனர்.

ப்ரியங்கா ரவீந்திரன் திரைக்கதை அமைக்க, கே.எஸ்.சுந்தரமூர்த்தி இசை அமைக்க, சுதர்சன் ஸ்ரீனிவாசன் ஒளிப்பதிவில், கார்த்திக் ஜோகேஷ் படக் தொகுப்பு செய்ய, ‘அவள்’ படத்தின் கலை இயக்குநர் சிவசங்கர்  அரங்கு அமைக்க, டி.ஏழுமலை நிர்வாக தயாரிப்பு செய்கிறார்.

‘லட்சுமி’, ‘மா’, ஆகிய குறும் படங்களையும், ‘எச்சரிக்கை இது மனிதர்கள் நடமாடும் இடும்’ என்ற திரைப்படத்தையும் இயக்கிய இயக்குநர் சர்ஜூன் கதை அமைத்து, வசனம் எழுதி  இயக்குகிறார். 

nayanthara-1 

“நயன்தாராவுடன் தொடர்ந்து பணியாற்றுவது மிகவும் பெருமைக்குரியது. ‘அறம்’ படத்தை தொடர்ந்து உச்சத்தை நோக்கி போய் கொண்டு இருக்கும் அவருடைய திரை உலக அந்தஸ்து ‘ஐரா’ படத்தின் மூலம் மேலும் உயரும் என்பதில் ஐயம் ஏதும் இல்லை. 

சர்ஜூன் கதை  சொன்ன மாத்திரத்தில்  இந்த கதை நயன்தாராவுக்கு மிகவும் சவாலான, அதே சமயம் ரசிகர்களை மிகவும் கவரும் கதை என புரிந்தது. இதுவரை நடித்திராத இரட்டை வேடங்களில் நயன்தாரா இந்த படத்தில் நடிக்கிறார்.  

‘ஐரா’ என்ற வார்த்தை யானையை குறிக்கும், யானை பலத்தை குறிப்பிடும் ஒரு கதாபாத்திரத்தை மையமாக கொண்டு இருக்கும் இந்த படம் ஒரு horror படமாகும்” என்கிறார் தயாரிப்பாளர் கொட்டபாடி ஜே.ராஜேஷ்.