ஆர்யா நடிப்பில் ‘மௌன குரு’ இயக்குநர் சாந்தகுமாரின் அடுத்த படைப்பு..!

ஆர்யா நடிப்பில் ‘மௌன குரு’ இயக்குநர் சாந்தகுமாரின் அடுத்த படைப்பு..!

ஸ்டூடியோ கிரீன் பட நிறுவனம் சார்பில் தயாரிப்பாளர் K.E.ஞானவேல்ராஜா தயாரிக்கும் புதிய திரைப்படம் ‘மகாமுனி’.

இந்தப் படத்தில் நடிகர் ஆர்யா நாயகனாக நடிக்கிறார். இவருக்கு ஜோடியாக நடிகைகள் மஹிமா நம்பியார், இந்துஜா இருவரும் நடிக்கவுள்ளனர். மேலும், ஜுனியர் பாலையா, ஜெயப்ரகாஷ், அருள்தாஸ், ஜி.எம்.சுந்தர், காளி வெங்கட் உள்ளிட்ட பலரும் நடிக்கிறார்கள்.

இப்படத்திற்கு கதை, திரைக்கதை, வசனம் எழுதி இயக்குகிறார் சாந்தகுமார். இவர் ஏற்கனவே ‘மௌன குரு’ என்ற வெற்றிப்படத்தை இயக்கியவர்.

இந்த படத்தின் ஒளிப்பதிவை அருண் பத்மநாபன் கவனிக்க, எஸ்.எஸ்.தமன் இசையமைக்கிறார். பாடல்களை கவிஞர் முத்துலிங்கம் எழுதுகிறார். தேசிய விருது பெற்ற V.J.சாபு ஜோசப் படத்தை தொகுக்க, ரெம்போன் பால்ராஜ் கலை இயக்குநராக பணியாற்றுகிறார். சண்டை பயிற்சியை ஆக்சன் பிரகாஷ் மேற்கொள்கிறார்.

maga muni movie poojai stills

படம் பற்றி இயக்குநர் சாந்தகுமார் பேசுகையில், “க்ரைம் திரில்லர் ஜேனரில் இந்த ‘மகாமுனி’ திரைப்படம் தயாராகிறது. படத்தின் திரைக்கதை அனைத்து தரப்பினரையும் கவரும் வகையில் பரபரப்பாக அமைக்கப்பட்டிருக்கிறது. சென்னை, காஞ்சிபுரம், ஈரோடு ஆகிய மாவட்டங்களில்  படப்பிடிப்பை நடத்த திட்டமிட்டுள்ளோம்..” என்றார்.

‘மகாமுனி’ படத்தின் தொடக்க விழா நேற்று காலை சென்னையில் எளிமையாக நடைபெற்றது. இந்த நிகழ்வில் படத்தின் தயாரிப்பாளர் ஞானவேல்ராஜா, படத்தின் இயக்குநார் சாந்தகுமார், நாயகன் ஆர்யா, நாயகி இந்துஜா, ஒளிப்பதிவாளர் அருண் பத்மநாபன், கலை இயக்குநர் ரெம்போன் பால்ராஜ், படத் தொகுப்பாளர் V.J.சாபு ஜோசப் உள்ளிட்ட படக் குழுவினரும், தொழில் நுட்ப கலைஞர்களும் கலந்து கொண்டனர்.

மேலும் நடிகர் கௌதம் கார்த்திக், இயக்குநர்கள் M.ராஜேஷ், சந்தோஷ் P.ஜெயக்குமார், நடிகர் ஹரிகுமார், 2-D என்டெர்டெயின்மென்ட் ராஜ்சேகர் கற்பூரசுந்தரபாண்டியன்,  எஸ்கேப் ஆர்ட்டிஸ்ட் மதன், சக்தி பிலிம் பேக்டரியின் சக்திவேலன் ஆகியோரும் இந்நிகழ்வின் போது கலந்து கொண்டு சிறப்பித்தனர்.




error: Content is protected !!