‘நளனும் நந்தினியும்’, ‘சுட்ட கதை’, ‘நட்புன்னா என்னான்னு தெரியுமா’ ஆகிய படங்களை தயாரித்துள்ள லிப்ரா புரடக்சன்ஸ் நிறுவனம், தற்போது குறும்பட இயக்குனர்களின் திறமையை வெளிச்சம் போட்டு காட்டுவதற்காக குறும்பட போட்டி ஒன்றை மிக பிரமாண்டமான செலவில் நடத்துகிறது.
இந்த குறும்பட போட்டியில் கலந்துகொள்ள போட்டியாளர்கள் தங்களது படைப்பை அனுப்புமாறு கடந்த ஜூலையில் அறிவிப்பு வெளியிட்டிருந்தது லிப்ரா புரடக்சன்ஸ். அந்தவிதமாக போட்டிக்கு வந்த 946 படங்களில் இருந்து சிறந்த 53 குறும் படங்கள் இறுதியாக தேர்வு செய்யப்பட்டுள்ளன.
தேர்வு செய்யப்பட்டுள்ள சிறந்த 53 குறும் படங்களின் பட்டியல் :
- Gangs of 47
- Koorpi
- Karmachakram
- All ilatha Roobam
- Mutham
- The Ring
- The Affair
- Vanam
- Thirantha Puthagam
- Kadan
- Naan 8
- Savadaal
- Nil
- Thamizhachi
- Theerathu
- Yeman
- Rays of hope
- kannuku iniyal
- Pitchai Pathiram
- Madharassi
- Jillunu oru kalavaram
- L Board
- Tiffen Box
- Koorvazh
- Ippadiku Vivasayee
- Abaya
- Kuva Kuva
- Pen Paal
- Thalai Vanankathe thamizha
- Back Bone
- kaliyugam
- Salt
- Pagal Natchathiram
- Mayakkanadi
- Iruthi Aram
- Manidham Enge
- Ninaivugal
- In the Orb of Night
- 93* not out
- Solomon My Father
- Kalavu
- Giant Wheel
- Loyalty
- 18 Sticks
- Vacha kuri Thappadhu
- Kayal
- Kavarimaan
- Chilra Illa Papa
- Adiye Azhage
- Enga Vettu Pillai
- Vidiyattum eni
- Yatchi
- Ippadiku Police
இந்த 53 குறும் படங்களையும் தமிழ் சினிமாவின் பிரபல இயக்குநர்கள், தொழில் நுட்ப கலைஞர்கள் கொண்ட குழு பரிசீலித்து அதில் சிறந்த பத்து குறும் படங்களை தேர்ந்தெடுப்பார்கள்.
மிகச் சிறந்த குறும்படம் என்கிற ஒரு பிரிவில் மட்டுமல்லாமல் மிகச் சிறந்த குறும்பட இயக்குனர், நடிகர், நடிகை, இசையமைப்பாளர், ஒளிப்பதிவாளர், படத் தொகுப்பாளர், பாடலாசிரியர், பாடகர் என இந்த 53 குறும் படங்களில் இருந்தே பல பிரிவுகளிலும் போட்டியாளர்கள் தேர்வு செய்யப்பட உள்ளனர்..
இந்த விருது வழங்கும் விழா வரும் நவ-19-ம் தேதி மிக பிரமாண்டமாக நடைபெற இருக்கிறது. விருதுக்கு தேர்ந்தெடுக்கப்பட்ட போட்டியாளர்கள், முதல் பத்து பரிசுகளுக்கு தகுதியான குறும் படங்கள் பற்றிய விபரங்கள் அன்றைய தினம் விழா மேடையில் அறிவிக்கப்படும்.
முதல் பரிசாக 10 லட்சம், 2-ம் பரிசாக 7 லட்சம் மற்றும் 3-ம் பரிசாக 5 லட்சம் ரூபாய் என பரிசு தொகைகள் வழங்கப்பட இருக்கின்றன. இதில் இன்னொரு சிறப்பு அம்சமாக மீதி உள்ள ஏழு குறும் படங்களுக்கும் சிறப்பு பரிசாக தலா 50 ஆயிரம் ரூபாய் வழங்கப்படும்.
இந்த விழா குறித்து லிப்ரா புரடக்சன்ஸ் ரவீந்தர் சந்திரசேகரன் கூறுகையில், “இது போன்ற குறும் பட விழாக்களை நடத்துவது சேவை நோக்கத்தில் மட்டுமல்ல.. இதுக்கு வர்த்தக ரீதியா ஒரு ஓப்பனிங் இருக்கிறது. அதேசமயம் பணம், லாபம் இரண்டையும் தாண்டி இந்த குறும் பட விழா மூலமா நிறைய திறமைசாலிகளை திரையுலகத்திற்கு அறிமுகப்படுத்தவுள்ளோம்.
என்னால எல்லோருக்கும் படம் இயக்கும் வாய்ப்பினை வழங்க முடியாது.. ஆனால் அவங்களுக்கு படம் இயக்கும் வாய்ப்பை ஏற்படுத்தி தர முடியும். நாளை அவர்களுக்கு ஒரு வாய்ப்பு கிடைக்கும்போது அங்கே லிப்ரா விருது வாங்கிருக்கேன்னு அவங்க அதை ஒரு அங்கீகாரமா சொல்வார்கள். அதுதான் எனக்குக் கிடைக்கவிருக்கும் உண்மையான விருது. வருங்காலத்தில் லிப்ரா அவார்ட்ஸ் தமிழ்த் திரையுலகத்துல மிக மரியாதையான ஒரு விருதாக மாறும் என்கிற நம்பிக்கை எனக்குண்டு. இதுதான் இந்த குறும் பட விருது விழாவை நடத்துவதன் நோக்கம்..” என்கிறார் தெள்ளத்தெளிவாக.