மகிழ் திருமேனி இயக்கத்தில் மீண்டும் அருண் விஜய் நடிக்கிறார்

மகிழ் திருமேனி இயக்கத்தில் மீண்டும் அருண் விஜய் நடிக்கிறார்

அறிவழகன் இயக்கத்தில் அருண் விஜய், மகிமா நம்பியார் நடிப்பில் சமீபத்தில் வெளியாகி இன்னமும் வெற்றிகரமாக ஓடிக் கொண்டிருக்கும் ‘குற்றம் 23’ திரைப்படத்தை தயாரித்த ரெதான் – தி சினிமா பீப்பள் சார்பாக தயாரிப்பாளர் இந்தர் குமார் மீண்டும் ஒரு படத்தை பெரும் பொருட்செலவில் தயாரிக்கிறார். இந்தப் புதிய படத்திலும் நடிகர் அருண் விஜய்யே ஹீரோவாக நடிக்கிறார்.

இந்தப் படத்தை ‘முன் தினம் பார்த்தேனே’, ‘தடையறத் தாக்க’, ‘மீகாமன்’ போன்ற தொடர் வெற்றி படங்களை இயக்கிய இயக்குனர் மகிழ் திருமேனி இயக்குகின்றார்.

‘என்னை அறிந்தால்’, ‘குற்றம் 23’ போன்ற படங்களில் தனது தனித்தன்மையான நடிப்பை வெளிப்படுத்தி அனைத்து ரசிகர்களை கவர்ந்த அருண் விஜய் இப்படத்தில் புதிய பரிணாமத்தில் தோன்றவுள்ளார். மகிழ் திருமேனி இயக்கத்தில் இவர் நடித்த ‘தடையறத் தாக்க’ திரைப்படம் ரசிகர்களிடையே பெரும் வரவேற்பை பெற்றது குறிப்படத்தக்கது.

இன்னும் பெயரிடப்படாத இப்படத்தின் மற்ற நடிகர் நடிகையர் விவரம் விரைவில் அதிகாரப்பூர்வமாக தெரிவிக்கப்படும் என தயாரிப்பு தரப்பு கூறியுள்ளது.




error: Content is protected !!