அமெரிக்க நடிகை கதாநாயகியாக நடிக்கும் ‘அந்த நிமிடம்’ தமிழ்த் திரைப்படம்..!

அமெரிக்க நடிகை கதாநாயகியாக நடிக்கும் ‘அந்த நிமிடம்’ தமிழ்த் திரைப்படம்..!

இயக்குநர் சிகரம் கே.பாலசந்தர், எஸ்.பி.முத்துராமன் போன்ற பிரபலமான முன்னணி இயக்குநர்களிடம் உதவியாளராக பணியாற்றிய இயக்குநர் ஆர்.குழந்தை ஏசு தயாரித்து இயக்கியிருக்கும் முதல் தமிழ்த் திரைப்படம் ‘அந்த நிமிடம்’.

இந்தப் படத்தில் சில தமிழ், மலையாளப் படங்களில் கதாநாயகனாக நடித்த நடிகர் ருத்ரா கதாநாயகனாக நடித்திருக்கிறார். இவருக்கு ஜோடியாக அமெரிக்காவைச் சேர்ந்த நடிகை நொஷின் கதாநாயகியாக நடித்திருக்கிறார்.

சிங்கள மொழிப் படங்களில் கதாநாயகனாக நடித்த லால் வீரசிங் வில்லனாக நடித்து தமிழ்த் திரையுலகிற்கு அறிமுகமாகிறார். பல சிங்கள மொழிப் படங்களில் நடித்தும், இயக்கிய வருமான சன்ன பெராரா இந்த படத்தில் போலீஸ் அதிகாரியாக வேடமேற்று நடித்திருக்கிறார்.

ஒளிப்பதிவு – தங்கையா மாடசாமி, இசை – எஸ்.என்.அருணகிரி (இவர் ‘சண்டிவீரன்’, ‘கோலிசோடா’, ‘கடுகு’ போன்ற படங்களுக்கு இசையமைத்தவர்), பின்னணி இசை – சஜித் ஆண்டர்சன், படத் தொகுப்பு – எல்.வி.கே.தாஸ் (இவர் ‘மைனா’, ‘கும்கி’, ‘தொடரி’, ‘கயல்’ போன்ற படங்களுக்கு படத் தொகுப்பாளராகப் பணியாற்றியவர்) சண்டை பயிற்சி – எஸ்.ஆர்.முருகன், நடனம் – ரேகா, கலை – செல்வராஜ், பாடல்கள் – அருண்பாரதி, மக்கள் தொடர்பு – பெருதுளசி பழனிவேல், தயாரிப்பு – ஆர்.குழந்தை ஏசு, மஞ்சுளா டி சில்வா, எழுத்து, இயக்கம் – ஆர்.குழந்தை ஏசு.

இயக்குநர் குழந்தை ஏசு ஏற்கனவே ‘சிங்க மச்சான் சாலி’, ‘லீடர்’, ‘கோத்ரா’ போன்ற சிங்களப் படங்களை இயக்கியவர். முதல்முறையாக ‘அந்த நிமிடம்’ படத்தை தமிழில் இயக்கிய தமிழ்த் திரையுலகிற்கு இயக்குநராக அறிமுகமாகிறார்.

ஒரு உண்மை சம்பவத்தை அடிப்படையாகக் கொண்டு, சஸ்பென்ஸ் நிறைந்த திரில்லர் படமாக உருவாகியிருக்கிறது ‘அந்த நிமிடம்’ திரைப்படம்.

ஒருவர் ஒரு நிமிடத்தில் சிந்திக்காமல் செய்கின்ற தவறு அவர் குடும்பத்தை மட்டுமில்லாமல், மற்ற குடும்பத்தினரையும் எப்படி சீரழித்து சின்னா பின்னாமாக்குகிறது என்ற கருத்தை வலியுறுத்தும் படமாக ‘அந்த நிமிடம்’ உருவாக்கப்பட்டிருக்கிறது.

இந்தப் படத்திற்கான படப்பிடிப்புகள் சென்னை, பொள்ளாச்சி, இலங்கையில் நூரேலியா, ராமர் சீதா கோவில், ராவணக் கோட்டை போன்ற பல பகுதிகளிலும் நடத்தப்பட்டிருக்கிறது.




error: Content is protected !!