விஜய் சேதுபதியின் 33வது படத்தில் இணையும் அமலா பால்

விஜய் சேதுபதியின் 33வது படத்தில் இணையும் அமலா பால்

சந்திரா ஆர்ட்ஸ் தயாரிப்பில், அறிமுக இயக்குநர் வெங்கட கிருஷ்ண ரோகாந்த் இயக்கத்தில், விஜய்சேதுபதியும் அமலாபாலும் இணைந்து புதிய படமொன்றில் (VSP 33) நடிக்கின்றனர். விஜய்சேதுபதி, அமலாபால் முதன்முறையாக இணைந்து நடிக்கின்றனர்.

மக்கள் செல்வன் விஜய் சேதுபதி நடிக்கும் 33 வது படத்தின் முதல் கட்ட படப்பிடிப்பு ஜூன் 14 ஆம் தேதி அன்று தொடங்குகிறது. தொடர்ந்து படக்குழுவினர் ஊட்டிக்குச் சென்று படப்பிடிப்பைத் தொடரத் திட்டமிட்டுள்ளனர்.

இப்படத்தை சந்திரா ஆர்ட்ஸ் சார்பாக மிகுந்த பொருட் செலவில் பிரம்மாண்டமாக இசக்கி துரை தயாரிக்கிறார். பேராண்மை, புறம்போக்கு படங்களில் இயக்குநர் எஸ்.பி ஜனநாதனிடம் பணியாற்றிய வெங்கட கிருஷ்ண ரோகாந்த் இப்படத்தின் மூலம் இயக்குநராக அறிமுகமாகிறார்.
தனது உதவியாளர் இயக்குநராக அறிமுகமாகும் இப்படத்தை எஸ்.பி ஜனநாதன் க்ளாப் அடித்து படப்பிடிப்பைத் தொடங்கி வைக்கிறார்.

கிறிஸ்துமஸ், புத்தாண்டு வருடம், காதல், இசை என கொண்டாட்டங்களை உள்ளடக்கிய இந்தக் கதையில் சர்வதேசஅளவிலான பிரச்சனையும் மையமாக பேசப்பட இருக்கிறது. இதில் விஜய் சேதுபதி இசைக் கலைஞராக நடிக்கிறார்.

இப்படத்தின் பெயரை சஸ்பென்ஸாக வைத்திருக்கும் படக்குழுவினர் தற்காலிகமாக VSP 33 என்று படத்திற்கு பெயர் வைத்துள்ளனர்.

VSP 33 யில் முன்னணி கதாநாயகி மற்றும் ஒரு வெளிநாட்டு பெண்ணும் கதாநாயகிகளாக நடிக்கவுள்ளனர். இதில் நடிக்க இருக்கும் நடிகர் நடிகைளை புது வித பாணியில் அறிமுகப்படுத்த படக்குழுவினர் திட்டமிட்டுள்ளனர்.

தொழில்நுட்ப கலைஞர்கள் விவரம்:
எழுத்து – இயக்கம் – வெங்கட கிருஷ்ண ரோகாந்த்
இசை – நிவாஸ் கே. பிரசன்னா
ஒளிப்பதிவு – மகேஷ் முத்துசுவாமி
கலை இயக்குநர் – ஜான் பிரிட்டோ
ஸ்டண்ட் – மிராக்கிள் மைக்கேல் ராஜ்
எடிட்டிங் – சதீஷ் சூர்யா
மக்கள் தொடர்பு – நிகில்
தயாரிப்பு – சந்திரா ஆர்ட்ஸ்
தயாரிப்பாளர்- இசக்கி துரை
நிர்வாக தயாரிப்பு-ரகு ஆதித்தியா
இணை தயாரிப்பு – சினி இன்னோவேஷன்ஸ்
இணை தயாரிப்பாளர் – ஆர்.கே. அஜெய்குமார்




error: Content is protected !!