‘100’ படத்திற்கு திரையரங்குகள் மற்றும் காட்சிகள் அதிகரிப்பு

‘100’ படத்திற்கு திரையரங்குகள் மற்றும் காட்சிகள் அதிகரிப்பு

நல்ல கதையம்சம் கொண்ட படங்களுக்கு எப்போதுமே மிகப் பெரிய வெற்றியை பெறக் கூடிய சாத்தியங்கள் உண்டு. இது மாதிரியான நிகழ்வுகள் அவ்வப்போது நிகழ்ந்து கொண்டுதான் இருக்கிறது.

அந்த வகையில் அதர்வா முரளி – ஹன்சிகா மோத்வானி நடித்த ‘100’ திரைப்படம் பாக்ஸ் ஆபிஸில் நம்ப முடியாத ஒரு மிகப் பெரிய வெற்றியை பெற்றிருக்கிறது.

விமர்சகர்கள் மற்றும் பொதுமக்களிடையேயும் நல்ல வரவேற்பை பெற்ற இந்த படத்துக்கு, தற்போது திரையரங்குகள் மற்றும் காட்சிகள் அதிகரித்துள்ளன.

இது பற்றி ஆரா சினிமாஸ் தயாரிப்பாளர் காவியா வேணுகோபால் கூறும்போது, “எங்களுக்கே இது மிகப் பெரிய ஆச்சரியத்தைக் கொடுத்திருக்கிறது. எல்லா இடங்களிலும் இருந்து பார்வையாளர்களிடமிருந்து கிடைக்கும் அபரிமிதமான வரவேற்பை கண்டு நாங்கள் முழுமையாக பிரமித்து கொண்டிருக்கிறோம்.

விநியோகஸ்தர்கள் மற்றும் திரையரங்க உரிமையாளர்கள் என இரு தரப்பிலும் இருந்து தொலைபேசியில் அழைத்து படத்துக்கு கிடைத்திருக்கும் வரவேற்பைப் பற்றி சிலாகித்து பேசுகிறார்கள்.

அவர்களது வாய்மொழி பாராட்டைவிடவும், இந்த படத்திற்காக 50 காட்சிகள் மற்றும் 25 திரையரங்குகள் அதிகரித்துள்ளன என்பதில் பெருமிதம் கொள்கிறோம்.

பொதுவாக, முதல் வாரத்தில் படம் பார்ப்பவர்களின் எண்ணிக்கை, முதல் மூன்று நாட்களைவிட குறைவாகத்தான் இருக்கும். ஆனால், இங்கு அது தினம் தினம் அதிகரித்து வருவதைப் பார்த்து ஆச்சரியப்படுகிறோம்.

திரைப்படத்தின் கருப் பொருளும், இயக்குநர் சாம் ஆண்டன் அதை வணிக ரீதியான முறையில் கொடுத்ததும் மிகச் சிறப்பாக, படத்துக்கு சாதகமாக அமைந்திருக்கிறது. கூடுதலாக, அதர்வா முரளியின் திரை ஆளுமையும் படத்துக்கு மதிப்பு சேர்த்திருக்கிறது.

எல்லாவற்றிற்கும் மேலாக, படத்தின் உணர்வுப்பூர்வமான அம்சங்கள் குடும்ப ரசிகர்களை மிகப் பெரிய அளவில் ஈர்த்திருக்கிறது…” என்றார்.

 




error: Content is protected !!